الأشجار تموت واقفه

زائر

بســ الله الرحمن الرحيم ــم
فى موسم الخريف
تموت الأشجار واقفه
لما يسقط من عليها الورق
وتشوفها
كأن كل الشجر أتحرق
أما أنا فى عز الربيع
تراودنى نفس أحلامى
وأنا واقف فى مكانى
شبيه أنسان
مدارى فى قلب العتمه
خلف القضبان
مستنى القاضى
يحكم
بالسجن أو بالأعدام
دى حكاية عاشق ولهان
عاشق لتراب المحروسه
عاشق من قبل زمان
تشاورله البنت
من صغره
وتشاغله
وتطعم فمه برمان
يطير الواد من الفرحه
ويخدها فى حضنه
ويدارى
خلف الجدران
ماهى أصل الدنيا
المحروسه
وأصل الأنسان
وتمر الحاله
من حاله لحاله
والعشق يزيد
ويتوه الواد
ويروح ويغيب
ويعود
يذداد الشوق
ويشوفها ملامح
أنسان
ويطير الواد
من كتر الخوف
على قصر الشوق
و ينده فى الخان
ويعدى الباب
من قلب الخلق
ويطلع جرى على القلعه
ويصلى فى جامع برقوق
وتعدى أيام
والواد مرعوب
ينده فى الناس
الكل يقول
دا قدر مكتوب
والعاشق داير مجنون
خلف الأسوار
وتمر أيام
والحب يزيد
زى الطوفان
ويسافر الواد
ويروح لبعيد
ويعود فرحان
مشتاق ولهان
مستنى تقابله
بأحضان
مستنى تناوله
الرمان
من كتر الهم
أتسند الواد
جنب السور
شاف الحاله
جاله زهول
أنتابه أحساس
أنه مكسور
قال مش معقول
مشى كا المجنون
ينده فى الناس
ويصحى الخلق
من عز النوم
قالوا مجنون
أتلم العسكر
ع الواد
زى الرهوان
حطوه خلف القضبان
وبقاله زمان
مستنى القاضى
يحكم
بالسجن أو بالأعدام
وتمر سنين
والحلم ف راسه
عمال يكبر
نفسه يشوفها
لابسه الفستان
ويجى ربيع
تخضر الشجره
من تانى
وتكون أنسان
------------

الْمَشِارَكِات : 20 تاريخ التسجيل : 19/03/2011

سلمت اناملك

مشكوور

الْمَشِارَكِات : 2 تاريخ التسجيل : 19/03/2011

سلام ياعسل

الْمَشِارَكِات : 12 تاريخ التسجيل : 21/03/2011

مجهود رائع من شخصية ممتازة
ـــــــــــــــــــــــ
تحياتى لكى سيدتى